Aizawl: Social Welfare Minister Lalrinpuii chuan Lalneihsangi, Pi Buangi tih a koh, tuna Khatlaa cheng mek chu Mizo damlai zinga upa berah a puang.
Social Welfare Department-in zirchianna an neihna atangin Pi Buangi hi Mizo damlai zinga upa berah Inrinni khan Aijal Club-a Minister Lalrinpuii’n a puang.
Pi Buangi hian April 14, 2025 khan kum 108 a tling a, kum 109-na a hmang mek a ni.
Amah hi Aizawl Venghnuai a piang leh seilian niin, an chhungkua hi Salvation Army zawm hmasate zinga mi an ni a. A pa chu Thangchhunga, CSM, Mizorama (Kohhran Upa) Corps Sergeant Major hmasa ber a ni.
Pi Buangi hi Mizo zinga Rehab a thawk hmasa te zinga mi niin, Behala Girls Home Kolkata a hmeichhe rahbi tleu leh fahrahte enkawina hmunah a thawk tawh thin a. Kum 2022 khan Heritage Award buatsaih Mizo Hmeichhe Chhuanawm ‘Women of Substance’ hlan a lo ni tawh ni.