Aizawl: Mizoram Police-in Inrinnia Prime Minister Narendra Modi-a’n Mizoram a tlawha venhimna leh ruahmanna tha taka kenkawh a nih theih nana thawhpuitu mipui chungah lawmthu an sawi.
Thuchhuah an siamah khaw awm danin a zir loh avangin Modi chuan Aizawl lo thleng thei lo mah se venhimna leh ruahmanna leh felfai takin kalpui a nih theih nana mawhphurhna hlentute an chhuan thu an sawi a. Venhimna kawnga ruahmanna leh ngenna an tihchhuahte dawhthei taka zawmsaka thawhpuitu mipuite chungah lawmthu an sawi.
Police chuan mipuiin Zo nun ze mawi an lanchhuahtir zarah felfai leh zahawm taka hlen chhuah a ni tih sawiin, PM zin chu tluang leh muanawm taka hman a nih rualin venhimna uluk taka kalpui a nih avanga mipuite tana rokhawlhna an siamah hriatthiamna an dil a, lirthei tlan dan leh tul danga ruahmanna an siamte VVIP venhimna atana tih ngei ngei ngai a nih avangin mipuite hriatthiamna an dil a ni.