Aizawl: Adviser to Chief Minister TBC Lalvenchhunga’n CSS hnathawk an dah ngheh theih loh chhan chu danin a remtih loh vang tih a sawi.
ZPM-in nimina an party pisa-a chhung inkhawm an neihah thusawiin TBC Lalvenchhunga chuan, CSS hnathawk an dah ngheh theih loh chhan chu danin a remtih loh vang tih sawiin, “Dan hi kan zah tur a ni a, dik taka ro kan rel theih nan kan huai ngam tur a ni,” a ti.
TBC Lalvenchhunga chuan sorkar turin kum tam tak an lo vakvai ve tawh tituten hlawkna an um a nih chuan, ram hmasawnna tur leh an vahvaih chhante kha an kalsan dawn tihna a ni tih a sawi a. “Sorkar ve tak avangin contract hna kan beisei ngawt tur a ni lo. Contract-a eizawng duh chu contractor-ah inziak lut rawh se. Sorkar kal tawhte atangin contract hna zawh loh 200 chuang leh K. Deposit-ah cheng vbc 1,500 chuang kan chhawm,” a ti.
MLA leh minister-te zim luai luai hi hman ata tawh Mizo mipuite chin than a ni tih sawiin TBC Lalvenchhunga chuan, “Hengte hi vawiinah chuan kan bansan a hun tawh a ni,” a ti a. FCAA chungchang a ni emaw, thil dang dangah pawh hruaitute thu sawi awih zir tura party mite chahin, an dik tawk lohna pawh an sawisel ngam tur a nih thu a sawi bawk.