Nagpur-a hmeichhia kum 58 mi chu kum 36 zet kal taa thi tawhah an ngaih hnuah a haw leh.
Kum 1989-a an in a chhuahsan lai hian nau a pai mek a. A pasal zu ngawl vei leh a pasala nu tihduhdahna tlanchhiatsan turin a chhuak a ni.
Jaitala, Nagpur-a cheng hian an in a chhuahsan hian a pasal, an fapa leh fanu a kalsan a. A pasal hi kum ruk kal ta khan thiin a fapa zawk pawh hi kum hnih kal taah a thi bawk a. A fanu hi tunah kum 38 a ni tawh bawk.
A bo hnua rei tak an zawn hnuah an hmuh loh avangin a thiah an ngai tawh a; mahse, kum 2018 khan thuneituten North 24 Parganas, West Bengal-a shelter home-ah a khawsa niin an chhui chhuak a. A fa pai pawh a hring a, Bengali tawng hmangin a sei lian a ni.
Kum 2024 khan an nufa hian Kasturba Women’s home, Mumbai-ah sawn niin thawktute chuan Nagpur mi niin an hria a. Kuminah Nagpur-a Government Priyadarshini Women’s Home-ah dah leh niin a rilru hrisel lohna avangin Regional Mental Hospital-ah dah a ni.
A social services superintendent Kunda Bidkar leh psychiatrist Dr Pankaj Bagde ten an enkawl a. A pa postmaster a nihna, Butibori a sawi chhuah atangin Bidkar hian post office record atangin a chhui zui ta a ni.
Ni thum hnuah a mona, Jaitala chhui thlengin police puihna nen a chhungte hi an hre thei ta a ni.