Aizawl: Dampa bial by-election lo awm tura MNF official candidate Dr R Lalthangliana’n nimin khan |uahzawl, Rulpuihlim, Chungtlang leh Ailawngte tlawhin campaign beihpui a thlak.
MNF Sr. Vice President ni bawk Dr R Lalthangliana chuan khaw hrang hrang a tlawh naah thu sawiin, MLA-te hi dan siamtu an nih mai bakah, ram mipui rawngbawltu an nih avangin an hun chhungin sulhnu tha leh sawizui tlak rotling bial chhung tan hnutchhiah tum a pawimawh ber fo a. Chumi ti tur chuan Pathian leh Dampa bial mipuite zarah theihtawp chhuah a tum tlat dawn tih a sawi.
Dampa bialtu MLA thi ta, Lalrintluanga Sailo-in hmachhawp a lo neih tawhte hlen chhuak ngei tur leh, thawhpuiah Dampa bial mipui leh he lai biala vote nei zawng zawng te, bial pawn lam mite pawh, an party mipui zawng zawngte sawmin, ‘Kan sawi-ah ni loin kan thil tihah’ min lo teh zawk thin turin a ngen tih a sawi bawk.
Khaw hrang hrang an tlawhnaah hian MNF General Secretary Er. K. Lalsawmvela pawhin thu a sawi a ni.