Tute mai pawh hian chanchintha lai leh chhe lai deuhte pawh kan nei vek a, hriatzauna atan hrim hrim a hnuaiah hian 50 Cent chungchanga hriattur langsar te chhawpchhuah a ni:
Drugs hmangin a nu-i’n a chawm
Sabrina Jackson chuan kum 15 lek niin July 6, 1975 khan ‘Curtis’ (50 Cent) hi a hring a. Mahse, a hnathawh atang hian engti kawng mahin a chawm zo dawn lo tih a hria a, “Drugs zawrh lamah a kal ta a, ka pi bulahte khawsa-in ka nu hi ‘Masi’-ah chiah ka hmu thin,” tiin 50 Cent hian a sawi.
Mak dangdai taka hrin a ni
“Ni khat chu, ‘Ka nu, engngatinge PA ka neih loh?’ tiin ka zawt a. Ka nu chuan, ‘Mak dangdai taka hrin i ni a, Isua pian dan ang chiah khan a ni’ tiin mi ‘special’ tak ka nih thu hi min hrilh a ni.”
Tun thlengin a pa la hmu lo
“Tunge a nih ka hre lova, hriat châkna pawh ka nei lo. Ka nun hmasaah khan min tuamhlawm awm tak chu a ni a, mahse khang hunte kha a liam tawh si a ni.”
‘Boo-Boo’
“Ka pi hian, ‘Boo-Boo lo kal teh’ hi min ti thin a, heti anga hming no leh bawih lutuk tak mai hi khawlaiah chuan nuihzatthlak a tling pha tlat. ‘Terminator’ te min ti selang chuan, ‘Yeah’ ka han ti thin mai tur kha a nia le.”
Thing zai thiam leh in ‘fit’ tak
1994 kum khan Cocain e grams 280 leh hero ine ounces 4 a kawl vangin man a ni a. Hun harsa tak paltlang nan tiin New York khawpuia Shock Incarceration programe an tih mai misual te tana boot camp an siamah a lut a. Thla ruk khawsain zing dar 5:30 ah a tho a, kut zungtang hmangin push-ups a ti a, thing a zai nitin bawk.
Kum 8 mi a nihin a nu an that
1983 khan a nu, Sabrina chu misual tutih hriat lohin a khawih hrep hnu-ah choka-ah hnuk lutin chutah chuan gas hmangin a ur hlum nghal a. “Ka nu an hmuh hian, a taksa hi a tawih chhe tawh hle a ni,” tia sawiin 50 Cent chuan, “Ka thil hloh leh chan lian ber chu ka nu kha a ni. A awm tawh loh avangin thil a nih loh tur zawng zawng a nih phah vek a, park-ah te kal ka châk hle lai te hian ruah a lo sur thin a, hei hi ka nu a awm tawh loh vanga sur thin nite hialin ka hre hin.”
Kum li hnu-ah drugs bâwihah
A pute leh a pi pariat dawn lai mai ni lo, an chhungte thahnem tak nen In pakhatah an cheng hova, an tawt em em a, sum leh pai an harsa hle mai bawk si. “Ruihhlo a sumdawn mai loh chu tihtur dang awm hek lo. ‘Career’ tih vel ka ngaih-tuah tawh hman lova, kan pum puarna tur kha a pawimawh zawk a ni.”
A pu vangin thi thelh
Drugs a zawrhnaah a customer hmasa ber chu a pu leh pite hi an ni a. Hetih lai hian a bag hi a thawl bik thin tiin 50 Cent hian sawisel a hlawh hle a, vawi khat pawh a thil thuhrukna hmunah a pu hian engemaw ni a lai chiam mai a, “A hnunga rawn kal ve ho khan, bag-a thil awm kim tawk loh vanga ‘min bum a ni’ rawn ti ta se, ka thi mai dawn a. Ka pu thil tih danah ka lungawi bik lova, thing fakin ka vua a, “Vawiin thlengin ka pu nen hian kan la inbe tha mumal thei lo.”
Kum 12 a nihin a thianghlimna a hloh
“Kum 12 ka ni a, ani erawh 21 a ni a, ka thiante Ina kan khawsak ho laiin kan chesual ta a ni. Hmeichhe ho nena hman tak maia han awm ho tawh hi chuan thil pawi a thleng châwk a nia.”
Misual umin an um
Jail atanga a chhuah hnu lawk hian misual emaw tiin police in an um vak tawh. (a motorcycle hi an mizawn pa ta nen a inang) Guy Brewer Boulevard lamah chuan an inum kual zak zak a, chung lamah lah helicopter-in a lo veh ve reng bawk nen. A tawpah a pi te Inah a tlan lut tawp mai a, rei vak lovah mak tak maia incheiin a chhuak nul nul a, tuma’n an hrethiam tawh lo.
Rimawi kawngpuiah
1997 kum khan a fapa ‘Marquise’ hi a lo piang a, hemi kum vek hian Run- D.M.C jam master Jay nen club pakhatah intawngin, 50 Cent hian rhyme pakhat chiah a la ziak a, 1995 kuma a kut hleiina a ziah mai kha a ni a. “A hun chiah ka hre tawh lova, kawng puiah chuan a ni ngei mai.”
Pumpui a fah zo lo
Jay hian Columbia Records-ah a hruai a, anni pawhin an lo pawm ve mai bawk a. “Jay-a nen kan inhmuh khan chaw puar khawp eitur nei ka la ni a, music-a ka luh chiah hian ka tam nghal chu a ni der mai. Eizawnna tur vak a awm si lo, bill pek tlakna tur tiin nun hluiah bawk ka kir leh ta a ni.”
Debut hralh kal ber
2003 kuma a tihchhuah, ‘Get Rich or Die Trying’ tih chu a tihchhuah karah copy 900,000 zet tihral a ni a, a kar hnihnaah pawh hei ai tam deuh hrat hi tihral a ni.