US Open champion Aryna Sabalenka chuan China Open a khelh theih loh tur thu a sawi, tournament a hmachhawn theih loh chhan hi hliam vang nia sawi a ni a, a hliam lai tak erawh tar lan a ni lo thung.
Belarusian star hian Amanda Anisimova hnehin a zawin US Open champion a ni thei a, a sulhnu a tha hle a. New York khawpuia hlawhtlinna a chan tum khan hliam tenau a lo tuar a ni.
World No. 1 Sabalenka chuan, “China Open ka khelh theih loh tur thu sawi a ngai mai hi pawi ka ti a. Hliam na tak nei chiah lo mah ila, hliam tenau zawk vangin inkhel loa ka hahdam rih a ngai,” tiin a sawi.
China Open hi WTA Masters 1000 zinga mi a ni a, season hmasa khan Sabalenka hian quarterfinal a thleng.
Ranking point tamna a nih avangin atan chuan inlan theih loh hi a uiawm tham ang.
Tournament hi September 25 atanga Ocotober 5 chhung khelh tur a ni a, champion lai, Coco Gauff chu mi ngaihven leh en châk a ni leh ang.
Tennis season a zo hnai a, Grand Slam pali phei chu an khel zo tawh a. Ranking sang zual pariat inelna WTA Finals chu November 1-08 chhungin Riyadh, Saudi Arabia-ah an la khel dawn a ni.