Kum 22 velzet Bollywood khawvelah a tal tawh a, tunhnai atanga thawm dim chho tak, Preity Zinta hausakna leh sum ngah dan erawh a kiam reng reng lo. A neih belh thur thur emaw tih mai tur a ni ta reng mai.
Film industry-a a inhman vanglai khan film hit thahnem takah inlan a, sumdawng hausa a nih bakah writer leh model nih a kawp bawk. A hnuaiah hian a hausakna ren rual loh tarlan a ni.
Celebritynetworth.com-in a tarlan danin, Preity Zinta hausakna hi US$Maktaduai 10 vel niin, India pawisa chuan Rs 73,87,75,000 chuang a ni. Ama pual liau liauin production company lian angreng tak PZNZ Media a nei bawk.
A tlangpuin film pakhat a chan hian cheng vaibelchhe 2.3 vel a inchhiar a, Mumbai leh Los Angeles, California-ah apartment lian tha tak a nei. IPL Team a nei a, brand lian pahnih Versace leh Haute24 tan ad campaign a nei reng bawk. Instagram-ah follower maktaduai 7.7 chuang an awm.
Preity hi ‘Dil se’ film-ah Shah Rukh Khan leh Manisha Koiral te nena inlan tanin, lemchan khawvel a dailut. A hnuah Kal Ho Na Ho, Koi Mil Gaya leh Kabhi Alvida Naa Kehna ah te fak phu khawpin a inlan a, a larzui.
A film hnuhnung ber erawh Sunny Deol nena an channa ‘Bhaiaji Superhit’ niin, a chawlzui ta rih a ni.