Aizawl: BJP Mizoramin chuan Prime Minister Narendra Modi pianchampha pualin Aizawlah Namo Yuva Run an buatsaih.
Inrinni zing dar 6 khan Namo Yuva Run-a tlante hi Bawngkawn Traffic Point atangin Palak bialtu MLA K. Hrahmo-a’n a vailiam a, Ramhlun lamin tlanin, Lammual thleng an tlan a ni.
Lammual-a a kharna inkhawmah BJP Mizoram State President, Dr. K. Beichhua chuan, Prime Minister Narendra Modi pianchampha pual Namo Yuva Run tluang taka an buatsaih thei chu lawmawm a tih thu sawiin, thalaite leh naupangte, kum lama upa tawh tena hlut taka an tlan chu a hlawhtlinna pakhat a nih thu a sawi.
Namo Yuva Run-ah hian mi 251 tel zingah Lalhmunmawia, Aizawl Mualpui Veng chu pakhatna niin, certificate leh Rs. 10,000 a dawng a, pahnihna TC Lalnunsanga, Rulchawmin certificate leh Rs. 7,000 leh pathumna Lalkaisanga Lawngtlaiin certificate leh Rs. 5,000 a dawng a, heng mite bakah hian mi pasarih hnenah consolation prize Rs. 1000 theuh hlan niin, hmeichhia leh mipa naupang intlansiaka telte hnenah Special Prize pek a ni bawk.
Prime Minister Narendra Modi pianchampha pual hian ram pumah Pathianni hian Namo Yuva Run buatsaih tur a ni a, Mizoramah chuan Pathianni a nih avangin Inrinni khan buatsaih a ni.