Small Finance Bank Limited 15th Inter Branch Basketball Tournament 2025 chu Zirtawpniah khan zawh fel a ni a, Mount Carmel School leh Home Missions School chuan nomawi pahnih ve ve lain an langsar dun hle.
Middle school mipa inelnaah Home Missions leh Graceland School te an inkhel a, Home Missions hian champion lai lakah hian 78-75-in hnehna an chang a, an champion.
Middle school hmeichhe inelnaah Mount Carmel leh St. Joseph School te chuan final an khel a, inkhel boruak a sang hle a. A tawpah Mount Carmel hian 64-63-in hnehna an chang hram a, thawm a ring hle.
High school inelnaah Home Missions leh Living Water School te chuan final an khel a, kum danga final lut ziah pahnihte chu semi final-ah an tla a. Home Missions chu harsa lo takin 91-56-in an chak a, an champion.
Higher Secondary final-ah Mount Carmel leh St. Joseph Higher Secondfary an inkhel a, sikul pahnih hi kum thum a zawna final-a an intawnna a ni tawh.
Sikul pahnihte hian higher secondary inelna bikah team pakhat aia tam an nei ziah a, final hi chu an team chhuanvawrte hian an lut zel thung.
Boruak nei lian team pahnih inkhelah hian Mount Carmel chu 89-66 in an chak a, an champion a ni.