Youth Icon 2024 Top 10-te chu a huhoin an concert leh dawn a, tuna an buaipui mek an music video thar an tlangzarh nghal ang.
Tunah hian Youth Icon 2024 Top 10-te’n music video an buaipui mek a. An hla thar tur hi ruihhlo dona lam a ni. He an music video hi tunkar ningani zanah Dawrpui Multipurpose Hall, Dawrpui, Aizawlah tlangzarh an tum a ni.
Ruihhlo dona hla music video an buaipui mek an tlangzarh rual hian an concert nghal dawn a. Concert-ah hian en man a awm dawn a, ticket man hi tu tan pawha lei ngam tura tlawma tih an tum bawk.
LPS Youth Icon 2024 Top 10-te hian December 14 zan khan Lammualah concert an nei a, a hlawhtling hle a, a khat tlatin mipui an pungkhawm a ni. Mizo zaithiam zinga ticket neia Lammuala concert nei ngam tlem tête zingah a tel tih pawhin a sawi theih a, hetiang zat mipui an pungkhawm hi titi a tling pha hial a ni.
Lammualah hlawhtling taka concert an neih atanga thla kuaah concert an nei leh dawn tihna a ni.