World number one Carlos Alcaraz chuan set a hloh hmasak hnuah Casper Ruud hnehin Japan Open final a lut a, Ianik Sinner chuan set hnih set khat thova Alex de Minaur hnehin China Open final a lut ve thung.
Tokyo-ah US Open champion Alcaraz chuan a tir lamah a khel tha tawk lo a, set hnihna atangin world number 12 Ruud-a lakah a theihna siam tharin inkhel a thunun tluan a, 3-6, 6-3, 6-4-in a chak.
Season kal mekah Alcaraz hian ATP tour final a luh vawi 10-na niin Spaniard player ropui Rafael Nadal-a final luh hnem season a nih rual a, kuminah khelh 66 a chakna niin season khat chhunga a chak tam ber ni nghalin final-ah American world number five Taylor Fritz nen an intawng dawn a ni.
Beijing lamah Sinner chuan hardcourt inelna awpbet thar lehin 6-3 4-6 6-2-in Australian third seed De Minaur a hneh a, a zawnin vawi thum China Open final a lut.
Italian hian US Open final-ah Alcaraz a hneh loh avangin world number one a nihna a hloh a, De Minaur-a hmaah erawh hnuhma tha neih nei chhunzawm zelin vawi 11 a hneh zawnna a ni a, final-ah kum thum chhunga a vawi hnih nan champion tumin a inlan dawn a, 2023 khan trophy lain nikumah Alcaraz nen set thum an inkhelh hnuah a chak zo lo a ni.