AZL: Khawvel huapa University tha Stanford University, USA leh khawvel-a Research Publisher rintlak berte zinga mi Elsevier-in khawvel scientist tha an thlan ‘Top 2% Scientists List, 2025’ ah Dr. Samuel Lalthazuala Rokhum a tel.
Dr. Samuel Lalthazuala Rokhum hi NIT Silchar-a Associate Professor hna thawk mek a ni a, nikumah khan Top 2% Scientists List-ah hian a lo tel tawh a, Mizo zinga tel hmasa ber leh awmchhun a ni.
Dr. Samuel Lalthazuala Rokhum hi Kolasib New Diakkawn-a cheng niin, St. Johns HSS atangin HSLC leh HSSLC a zo a, B.Sc (Chemistry) chu Sankardev College, Shillong-ah a zo leh a. NEHU Shillong atangin M.Sc (Chemistry) leh Ph.D a zo leh a, Post-doctoral pawh khawvel University tha berte zinga mi Cambridge University, UK a ti a ni.
Dr. Samuel Lalthazuala Rokhum hian research publication 160 chuang nei tawhin, khawvel scientists dangte zir tham journal tha tehna- impact factor sang tak takah a publish tawh a. A research midangte’n an lo zira, reference atan an hman (research citation) pawh 6,000 chuang a nei tawh a. H-index pawh 43 a nei mek bawk.