November ni 14, 2025 a neih tur Leitlangpui Music Festival-ah Leitlangpui Band Contest huaihawt tel a ni dawn. Lawmman pawh a nep dawn lo, Mizoram a band contest-a lawmman sanna ber tur niin, pakhatna chuan cheng nuai thum an dawng dawn.
He band contest-ah hian Mizo band tha ber ber bakah North East state dang atang pawhin band engemawzat an rawn tel dawn a. Hmarchhak band inelna a chetha thin tak Mizo band te leh hmarchhak band dangte inelna a nih dawn avangin tel duh tan a phurawm dawn a, en duh tan pawh a manhla dawn. Pahnihna pawhin cheng nuai khat an dawng pha dawn a, pathumna chuan cheng sing nga an dawng dawn bawk a ni.
He band contest awm tur hi Mizoram state thenawm band te rawn tel vena tur a nih miau avangin Leitlangpui Music Festival pawh a hlut lehzual ngei a rinawm a, band tel duhte chuan Leitlangpui Music Festival instagram leh facebook account-ah te online form submission link en theihin a awm.