Aizawl: Nilaini chawhnu dar 2 hian Mizoram Movement for Old Pension Scheme (MIMOPS) chuan Vana pa hall kawtah peaceful rally huaihawt an tum.
MIMOPS hi Mizoram sawrkar hnathawk zinga National Pension Scheme (NPS) hmang te an ni a, mi 12,000 bawr vel an ni.
NPS-ah hian state sorkarin central hnuaia agency pakhatah thla tin sorkar hnathawk hlawh atanga 10-18% a thawh a, tuna Mizoram budget atanga thla khat chhunluh chu Rs vbc 6.5 a tling dawn tawh a, a pun belh zel bawk.
India ram pum huapin state hrang hrang ten NPS duh lohna leh dodalna an kalpui zel a, MIMOPS chuan Mizoram pawh state thenkhat hnungzuiin NPS nuai bova, CCS (Pension) rules, 1972 hmang vek tur leh state sorkarin a thunun GPF account a pension fund khawl zawk turin sorkar an dil mek a ni.