Aizawl: Mizo Zirlai Pawl (MZP) chuan Inner Line Permit (ILP) pek chhuah dan leh hman danah thil fel tawk lo tam tak a awm nia hriain, zirchianna neih ngei nise tiin an rel.
Thawhlehnia kum 2025-2027 chhunga MZP executive meeting hmasa ber chu MZP Conference Hall-ah neih a ni a. MZP President Dr C Lalremruata kaihhruai thutkhawmah hian Sairang rel station-a hnamdang lo luh dan endika tlawh thuai nise tihte, ILP pawh Aizawl khawpui chhungah, hun remchang hmasa berah endik nise tiin a rel a. ILP pek chhuah a nih dan leh ILP hman danah te thil fel tawk lo tam tak a awm nia hriain, zirchianna neih ngei nise tiin a rel bawk.
Meeting chuan zirlai harsate tanpuina tur Students’ Aid Fund pawh a rang lama siam nise an tih bakah, Student Aid Fund Rules leh Guidelines mumal tak siam a nih hunah zirlaite’n an hman tangkai theih tura dil theih turin chhawpchhuah an rel.
International Trade Expo Aizawl a neih tur chungchangah Mizo mipuite’n helai hmuna hnamdang sumdawngte dawr lo tur leh hnamdang hnenah sumdawnna atana hming hawh tir lo turin Mizo mipuite an ngen nawn.