Aizawl: India hnam pa, Mahatma Gandhi piancham vawi 156-na, Gandhi Jayanti pualin Ningani tuk khan Larsap General (Dr) Vijay Kumar Singh, PVSM, AVSM, YSM (Retd) leh Mizoram sorkara mi pawimawh dangten PUC Campus, College Venga a limah pangpar dahin zahna an lantir.
Gandhi Jayanti puala zahna lantir zingah hian Acting Chief Minister Vanlalhlana, Mizoram Legislative Assembly Speaker Lalbiakzama, Environment, Forest & Climate Change Minister Lalthansanga leh Health & Family Welfare Minister Lalrinpuii te an tel.
Anni bakah hian Chief Secretary Khilli Ram Meena, DGP Sharad Agarwal leh sorkar hotulu dangte pawhin he hunah hian zahna an lantir bawk.
Hman zawh hian larsap leh mi pawimawhte hian Gandhi-a ngaih pawimawh, faina leh vantlang rawngbawlna lantir nan Swachhata hi Seva pualin tual an phiat fai a ni.