AZL: India ram puma zirlaite zinga rawngbawlna, Union of Evangelical Students of India (UESI) – Mizoram, EU tia hriat chuan Ningani khan Baptist Centre, Falkland, Aizawlah kum 50 tlin an lawm a, chhun leh zana hun hman a ni.
Jubilee thupui hi ‘Fak la, Tawngtai la, Thu hril rawh’ (Praise, Pray, Preach) tih a ni.
UESI-Mizoram hi November 22, 1975 khan din niin Mizoram pumah rawngbawlna an la kalpui zel a. Golden Jubilee lawmnaah hian Rev. L. Malsawma Vanchhawng, Pastor Emeritus, Shillong Baptist Church chu speaker niin, India chhung leh pawn atangin UESI general secretary leh resource person eng emaw zat an tel a, palai mi 400 vel an tel thei bawk.
Pathian thu leh hla hmanga inpawlhona an neih bakah Mizorama EU rawngbawlnaa sulsutu mi hmasate chawimawina hun an hmang bawk.
UESI-Mizoramah hian college hrang hranga evangelical union (EU) te bakah district khawpui hrang hranga EU rawngbawlna enkawltu, Evangelical Graduates Fellowship (EGF) te an awm bawk a ni.