Aizawl: Excise Minister Lalnghinglova Hmar chuan Excise & Narcotics department-a thawktute thahnemngaihna zarah ruihhlo man a pung zel chu thil lawmawm a nih thu a sawi.
Inrinni khan Vairengte Excise Check Gate tlawhin excise minister hian hmun danga an department awmte aia an langsarh zawkna, Vairengtea thawktute chu fimkhur leh taima lehzual turin a chah a. Tun hnaiah thawktute thahnemngaihna zarah ruihhlo man a pung tih sawiin, Vairengte Check Gate-a thawkte pawh an thawhrimna leh hmasawnna chu lawmawm a tih thu a sawi.
Excise minister chuan Mizoramin Myanmar atanga ruihhlo lo lut tur danchah beihpui an thlak mekah Excise & Narcotics Department chuan mawhphurhna lian leh pawimawh tak an nei a. An hnathawhnaah sorkarin a duhsak a, kawng hrang hranga thuamchak mek chu thung rul turin tha zawka an thawh a ngai tih a sawi.
Minister hi Vairengte OC Inspector Malsawmdawngzela’n a lo dawngsawng a. Vairengte Excise & Narcotics Station-ah hian inspector pakhat, sub inspector, head constable leh wireless operator pahnih theuh leh constable 11 an awm mek.