Saiphai All NGO-in Saiphai Health & Wellness Centre-a 4th Grade hnathawk, Lalnunhlima, Bilkhawthlir PHC-a sawn chu sut leh turin thuneitute an phut.
Thu dawn danin, Saiphai Health & Wellness Centre-a 4th Grade hnathawk lai chu tun hnai khan Bilkhawthlir PHC-ah sawn a ni a, hei hi Saiphai All NGO chuan remti lo vin, nimin khan Lalnunhlima’n Bilkhawthlir PHC a report a pe tur chu an dang a ni.
Saiphai All NGO chuan Lalnunhlima hi Saiphai khaw mi leh sa, kum 19 chhung zet Saiphai HWC a thawk tawh a ni tih sawiin, a transfer order chu sut leh turin sorkar an phut a, sut a nih hma chuan an tawp thlenga dodal an tum tih an sawi.