Aizawl: Mizoram sorkara Health & Family Welfare Department, Indian Society of Prosthodontics Restorative Periodontics (ISPRP) leh Mission Foundation Movement tangkawpin an buatsaih, ni hnih chhung awh tur, a thlawna ha entirna, ‘Free Dental Camp’ chu Civil Hospital, Aizawlah kalpui tan a ni.
A thlawna ha entirna hi Health Minister Lalrinpuii chuan Thawhtannia a hawnna inkhawm a hmanpui a. Dubai atangin Professor Dr. Lovely Muthiah Annamma leh Professor dang pathumte bakah Asan Dental College, Chennai atangin internship tilai mi pathum an tel bawk.
Minister Lalrinpuii chuan ram pawn atanga an hun hlu tak senga doctor thiam tak tak an lokal chu lawmawm a tih thu a sawi a. Mizote’n zuk leh huam an tih nasat hian hlawkna engmah a pek loh bakah, natna serious tak tak, cancer leh a dangte an vei nasat phah hle zawk tih sawiin, zuk leh hmuam leh kuhva laka inthiarfihlim a pawimawh thu a sawi.
Mizo mipuiin he hun hi lo hlawkpui ngei se a duh thu sawiin, a tam thei ang ber inentir turin a sawm bakah, Free dental clinic-ah hian inentir mai ni lo va, ka leh a vel vawn fai chungchangahte, zirlai tha tak tak zir chhuah tum theuh turin a chah bawk.
Free clinic hi Thawhtanni leh Thawhlehni chhung hian a duh apiang tan a thlawnin Civil Hospital, Aizawl-ah OPD Card lain a inentir theih a ni.