State dang inthlan puan a nih rualin Election Commission of India (ECI) chuan Dampa bial bye-election neih hun tur a rawn puang tel a, campaign boruak pawh a pui chho nghal ngeiin a rinawm.
Inthlan hun puan chian tawh a nih avangin ruling party tan pawh advantage lak vak a rem lohna chin a awm ngei ang a, social media chak tawhna khawvelah hian an fimkhur zual ngei pawh a ngai awm e.
Dampa bial atang hian inthlanpui kan hmachhawn leh hun tur boruak a lang chho nghal ruak ngeiin a rinawm a, rorel lai party hian engtiang takin nge thapui an thawh ang tih pawh hriat a chakawm tawh hle. Tin, a dinhmun thui tak pawh he bye-election a hril thei awm e.
Eptu lam tan pawh theihtawp chhuahna hun, inthlanpui kan hmachhawn leh tur atana inhmakhuana duhawm tak a nih avangin theihtawp chhuah a tul a, tha thlah a thiang lo lehzual hle bawk awm e.
Engpawhnise, mipuiin kan thlir a, party hrang hrang chet dan kan hmu zel dawn a, chuta tang chuan he Dampa bial bye-election ah pawh hian rilru siam a ni dawn. Inthlan hun kan nghak ta thup a ni ber e.