Pathianni, October ni 5 khan a kum 50-na a lawm fel a, Hollywood star Kate Winslet chuan a thiantha leh filmstar lar ni bawk, Leonardo DiCaprio chu 1997 kuma, ‘Titanic’ film an chandunna atang khan a innghahna lungpui ber a nih thu a sawi.
Kum 50-na hmang mek Leonardo hian a pasal, Sam Mendes nena an inthen khan a rilru hah leh na lutuk, hriatthiam puiin, kawng engkimah a tanpui thin. A thlamuanpui thin hle a ni. Tlang takin an titi dun thin a, inzahtawnna leh inrintawnnah harsatna engmah an nei lo a ti bawk.
“Khawvelah hian ani aia min hrechiangtu hi an awm lo. Mipa thian ka neih ve te nena khaikhin pawhin ani hi chu mi bik a ni a. Ka tan chuan innghahna lungpui a ni.
“Ani hi awm lo ta se, engnge ka chungah lo thleng ang tih hi ngaihtuah ngam chi pawh a ni lo. Kan chunga lo thleng a chhia leh thaah te kan inpuitawn a, kan in ‘share’ thin,” tiin Kate Winslet hian a sawi.