Bayern Munich striker Harry Kane chuan Premier League-a kir leh chu châk tho mah se, tun dinhmunah hi chuan Germany-a khelh chhunzawm a la thlang rih.
Kum 2023 nipui lai khan Tottenham atangin German champion hian England striker an hi £ maktaduai 86.4 velin an lei a. Bayern-ah kum li daih contract a ziak a, a zahve a hmang mek.
Kum 32 mi hian German club tan vawi 106 a inlanah goal 103 a khung tawh a, Europe league lian zingah club pakhat tana goal 100 khung thei rang ber a ni a, 2024-25 season Bundesliga champion a nihpui a, nomawi a lak hmasak ber a ni.
Tottenham manager Thomas Frank chuan Kane chu Premier League lama kir leh a duh a nih chuan lo kuangkuah leh turin an inpeih reng thu a lo sawi tawh a. Kane hi Premier League-a goal khung hnem ber dawttu a ni a, Alan Shearer-a record (260 goals) khum turin goal 48 chiah a mamawh tawh.