Aizawl: Mizoram chu India rama malaria tam berna state a ni mek.
Health & Family Welfare department hnuaia National Vector Borne Disease Control Programme (NVBDCP) buatsaih, ni thum awh tur, ‘3 Day Regional Review Meeting on Malaria Elimination for GFATM Project States’ chu Thawhlehni khan Assembly Annex Building Conference Hall-ah Health Minister Lalrinpuii’n a hawng.
Hawnna inkhawma tar lan a nih danin tun dinhmunah Mizoram chu India-a malaria tamna ber state ni mekin, district pali – Lunglei, Lawngtlai, Mamit leh Siaha-te chu malaria tamna district an ni a. Tunah hian category 3 – High Endemic an la ni.
Kumin January – September chhung khan Mizoramah malaria vei mi 7,321 hmuh niin thi mi paruk an awm a. Kum 2024 January – December khan malaria natna hmuhchhuah zawng zawng mi 16,899 niin thi mi pasarih an awm bawk.