Mount Everest-a hawi khawthawng, khaw awm dan uchuak tak avanga tang ta mi 580 chu him takin Tibet-ah hruai chhuah kim an ni ta tih Chinese sorkar chanchinbuin a puang.
Chhanchhuahte hi Qudang khaw te reuh te leh a chhehvelah tual chhunga mi hruaitu (guide), yak pu leh pui dang 300-te nen an thleng tih CCTV chuan Thawhlehni zan khan a puang.
Khualzinte kartawp khan Everest khawchhak lam awihpang, metre 4,900 chuanga sangah vur nasa taka tlain a dang a ni.
Vur tla nasa hi China-a ni riat awh Golden Week chawlh laia thleng a ni a, an ramah chuan tual chhung mite an zin veivah nasat hun lai ber a ni.
October-ah hian dan pangngaiah chuan khua a thiang a, khaw vawh lam pawh a tawk via zel a, Mount Everest vela hawi khawthawng duh tana hun duhawm ber a ni thin.
Mi tam takin Karma Valley hiking trail hi an tlawh a, he hmun hi mite hriat hlawh tam vak lo ni mah se Everest bul thut atanga khaw thlir nawmna hmun tak a ni.
Vur hi Zirtawpni tlai atanga tla tanin kartawp chhung khan a tla a, mountain guide-te tan pawha chet hleihtheih lohvin a awm zui ta a ni.
Mi tam tak an tan hnuah hian police, kang thelhtu leh Tibetan mi inpe tam takin chhanchhuah tumin an thawk chhuak ta a ni.
Hetih lai hian China kahwthlang lama tlangram, Qinghai province-ah hawi khawthawnga zin pakhat chu vurin a taksa a hmeh nat lutuk avang leh sang a hlauh em avangin a thi a, mi dang 137 erawh chhanchhuah an ni tih CCTV chuan a sawi.
An thenawm Tibet chhim lam chiaha Nepal-ah pawh ruah nasa takin a sur a, tui lian leh lei min avangin mi 50 chuang an thi tawh.