Pop star Miley Cyrus-i’n khawvel dang ami te nen an intawng ngei a, UFO-in an um chiam niin a sawi. Amit ngeia a hmuh leh thil tawn hian a barakhaih hle.
Kum 32 mi hian an thil tawn chungchang sawichhuakin, “Thiante nena San Bernardinoi a lirthei kan khalh laiin, UFO ni ngeia hriatin min um chiam mai a, ka thil hmuhah khan ka chiang khawp mai. Mit vai pawh lo ni tehreng se, eng emaw thluak fua fuau kha a awm chiang a lawm. A rawng pawh yellow a ni a, a en pup mai. A thlawk ka hmu a, ka thiante pawhin an hmu. Kan hlat vak lovah lirthei dangte pawh an awm a, anni pawh kawngsirah insiam remin, an thlir ve a ni,” a ti.
A thil tawn leh hmuh hian nghawng na tak a nei chhunzawm a, hun eng emaw chen chhung chu a pangngai tak tak thei lo. “Ni nga vel ka khur deuh reng a ni mai. Van lam hawiin ka dâk chhuak ngam lo hrim hrim. A chhan chu, an lo kirleh ka hlauh vang a ni,” a ti bawk.
Hetih lai hian, a nunna atana derthawng thei emaw hlauhawm siam zâwnga che turah UFO hi a ngai lem lova, chuti ang zâwngin rilru a pu lo a ni.