AZL: Mizoram Synod hnuaia inkhawmpui lian ber dawttu, Presbytery Inkhawmpui chu Mizoram chhung leh pawn hmun hrang hrangah Ningani atanga tan niin Pathianni zan khan an tiak.
Presbytery inkhawmpui hi Ningani atang khan Mizoram tan a ni a, a tan zana vantlang inkhawma pastor bial report ngaihthlak a ni a. Zirtawpni leh Inrinni nilengin rorel a ni.
Pathianni khan chawhma inkhawmah khan kohhran upa nemnghehna hun hman a nih bakah chawhnuah Lalpa Zanriah Sakrament leh upa boralte sunna hun hman a ni a, zan inkhawmah moderator kal chhuakten valedictory sermon an sawi bawk.
Presbytery inkhawmpui neih chhung hian Nomination Committee, Finance Committee leh Sub-Pastoral Committee te an thukhawm a, Kohhran upa thlan tharte exam buatsaih a ni bawk.
Mizoram Synod puipate pawhin hmun hrang hrangah inkhawmpui hi an hmanpui a. Synod Moderator Rev RC Lalnghakliana chuan Tuivai Presbytery Inkhawmpui a hmanpui a ni.