Victoria Beckham chuan a pasal David Beckham chu Spice Girls reunion a zawm lehna atana mi pawimawh ber anih thu a sawi.
Kum 51 mi Victoria hian tun hnai khan a interview-na pakhatah he thu hi sawichhuakin, kum 2008-a reunion tour a zawm leh theihna chhan chu amah vang ni lovin a pasal David vang a nih thu a sawi a, ‘Kan fate tan pawh i zawm ngei a tul, kan fate hian Spice Girl kha an hre hman lo, hmuh an duh a ni,’ a tih avang chauha zawm leh ka ni, tiin a sawi chhuak.
Spice Girl reunion tour hi Victoria hian a zawm lawk lo a, thawm an neih leh viau hnu pawh khan ani hi chu a reh hle. Mahse, a pasal atanga nawrna leh fuihna nasa tak a dawn avanga zawm leh mai chauh a nih thu Victoria hian a sawi chhuak a, fashion khawvel lama a insawrbing tawh avanga tha thona reng a neih tawh loh hnuah a pasal vang liau liaua zawm leh thei a nih thu hi tunhnai khan a sawichhuak a ni.
Victoria leh David Beckham te hian fa pali neiin, Brooklyn (26), Romeo (23), Cruz (20) leh fanu Harper(14) te an nei mek a ni.