Kar hmasa khan chief minister Lalduhoma chuan hnamdang, a bikin vai lo lutte chu kan lo hmu mawh ngawt tur a ni lo tih leh, kan mikhual tam ber tur vaite chu lo hlauh ngawt tur a nih loh thu a sawi a, ngaihtuah a tithui hle.
Kan khawpui kawtkai maiah rel a lo lut tawh a, a mihring phurh tam theihzia kan hria. Kan ram hi phalna bik neia luh ngai a ni a, kan inhungbikna hi kan vawn nun reng tur a ni bawk. Rel in mihring a phurh tam theihzia kan hria, nikhata lo lut ringawt pawh an tam zia hi.
Hetih lai hian kan zirlai pawlten Sairang rel station an endiknaah dan lova lo lut leh dan hmanga luh ngai a ni tih pawh hre lo tam tak an hmuh chhuah thu an sawi a, ILP endikna hmuna thawktute pawh an indaih lo hle niin an sawi bawk. Ngaihtuah a tithui viau.
Kan sorkar hotu lu ber hian vaite hi a ngaimawh lo hle tih a hriat a, keini’n dan hmanga endik kan duh viau lai hian hmalak tumna tak tak an nei lo mai ang tih a hlauhawm hle.
Kan thlahte thlenga buaina thleng zui thei a ni tih hrerengin fir ila, kan inhungbikna hi hlutin, vil zui hneh mawlh teh ang u. Hemi tur hian sorkar hian tha thawh nasa se la, kan thlahte thlenga dem kan hlawh lohna turin chet han la thuai thuai teh se.