Aizawl: P&PI Conference Hall-ah District Development Coordination &Monitoring Committee (DISHA), Aizawl District member-te chuan an chairman, Lok Sabha MP Richard Vanlalhmangaiha kaihhruaina hnuaiah an thukhawm.
Meeting-ah hian thla ruk (April-September, 2025) chhunga Aizawl district-a department hrang hrang hnuaia Centrally Sponsored Scheme (CSS) hmalakna hrang hrangte thlirho niin chak zawka CSS kalpui dan tur te, department hrang hrang inkara thawhhona tha zawk neih dan tur te sawiho.
Aizawl district chhunga CCS khawih department hrang hrang 27-a HoD/representative-ten Power Point presentation hmangin CSS hnuaia an hmalakna theuh leh hmachhawpte report an pe.
Meeting-ah hian minister pahnih, Lalthansanga leh Dr.Vanlalthlana leh MLA pahnih, TBC.Lalvenchhunga, Adviser to CM (Finance) leh Baryl Vanneihsangi te pawh an tel. Rawtna an neihte tar langin an thil hriatchian duhte pawh an zawt bawk.