Aizawl: Home Minister K.Sapdanga kaihruaina hnuaiah nimin khan ‘The Mizoram Regulation of Fireworks Bill, 2025’ bihchiangin pharh a ni.
‘The Mizoram Regulation of Fireworks Bill, 2025’ drafting committee hi Home Secretary Vanlalmawia Renthlei hova din niin, Thawhlehnia thutkhawmah draft bill chu uluk taka bihchianga, zirchiang turin an pharh ta a ni. Thutkhawmah hian member-te’n uluk taka an bihchian hnuah leh huangzau taka sawiho a ni hnuah, a thuphungin committee chuan Bill hi tha a ti a. Law & Judicial department te lo chulmam turin an rel a ni.
MINECO-a Secretariat Conference Hall-a thutkhawmah hian Chief Secretary Khilli Ram Meena leh DGP Sharad Agarwal te bakah Home, Law & Judicial, EF&CC, GAD, H&FW, MPCB, Fire & Emergency, Aizawl DC, I&PR hotute, AMC Commissioner, Aizawl SP, SP Traffic te leh Central YMA, Aizawl City Local Council Association, Mizoram Merchant Association (MIMA) hruaitute an tel a ni.