Pasal neia, an inkara fa a pian tawh hnuah meuh chuan rimawi lamah chet harsa a ti tawh viau. Mahse, hei rimawi thar a rawn ti chhuak e.
Hlim Hlimi hian hla thar a neih — I Tello Chuan — tih chu thawhtanni khan a tichhuak a. He hla hi a album buaipui meka hla tur zinga mi a ni. He hla hi fam R Lalremruata (Pa Rema) phuah a ni.
“Ka hla duh em em, lungchhe taka Pathian ka pawlna hla a ni. Theih nise, video kha movie type-a han siamte pawh ka chak; mahse, a theih rih si lo,” tiin a hla tihchhuah tur chungchang Hlim Hlimi chuan Thalai Times a hrilh.
Chhungkaw nu ber a ni tawh a, a nulat laia a khawvelah khan a cheng thei tawh lo. A khawvel thar ‘chhungkua’ chu a dah hmasak ber a ngai a. Hei vang hian, zaite pawh hi chawlhsan maite a rilruk ve uk uk a. Mahse, Pathian lal ram zauh nan theihtawp an chhuah zel ang tih rilru pu chungin, mahni insitna dahthain rawngbawlna hla a rawn tichhuak leh dawn a ni.