Aizawl: Mizorama ruihhlo lut tur dona beihpui, Operation Jericho kalpui mek avangin state pawn atanga Mizorama ruihhlo lo lut a tlem phahin, a lut chhun man pawh a san phah.
Excise & narcotics department hotute sawi danin, September ni 1, 2025-a Home Minister K. Sapdanga hova bul tan, Mizoram ruihhlo lut tur dona beihpui, Operation Jericho kal mekah Mizoram Police, Excise & Narcotics Department leh Central YMA hnuaia branch hrang hrang leh khawtlang hruaitu hrang hrangten thahnemngai takin ruihhlo do beihpui thlakna hi an kalpui mek zelah, hun dang aiin ram pawn lam atanga ruihhlo lo lut pawh a tlemin ruihhlo lo lut chhun man pawh a san phah hle.
Operation Jericho hnuaiah Mizoram Police leh ramri hrula awm khuaten ramri atanga ruihhlo lo lut tur dona theihtawpa an kalpui mek laiin, Excise & Narcotics Department lam pawhin ruihhlo hmangsualtute laka mipuite an him zawkna turin Mizoram khawpui hrang hrangah City Patrolling uluk takin an nei bawk.