Aizawl: MPCC Vice President leh Dampa bial by-election-a Congress candidate John Rotluangliana’n nimin khan Dampa bial chhunga khuate tlawhin Congress party zawm thar a lawm lut.
Party zawm thar lawm luhnaah John Rotluangliana chuan MNF leh ZPM-in lalna duh vangin thil tam tak an tiam a, mipui rilru an tipiangsual tih sawiin, “MLA hi duh duh herchhuahna khawl a ni lo. Congress party chuan engmah kan tiam ngai lo, kan ti ang kan tih erawh Pathian leh mipui zarah kan hlenchhuak vek,” a ti.
Pathian leh mipuite zarah MLA a lo ni tawh tih sawiin John Rotluangliana chuan, “Congress chuan tawnhriat tak tak kan nei. MLA-in an tih theih leh theih loh kan hria. Kan tih theih chin chu in tan ka ti vek. Dampa bial by-election-ah MLA nih tum luat avangin chief minister bialah pawh engmah an tih loh in sak tanpuina pe mai tur anga list siam vak vakte hian inthlan zawhah mipui rilru a tibeidawn bakah mi tam tak rilru a tina dawn,” tiin, chung pumpelhna chu Congress-ah a awm tih a sawi.
John Rotluangliana chuan eiru ve lo tura sawi rual thup thup ten kuthnathawktute sawhthing man Rs vbc 5 chuang an eiruksak a tih a sawi.