Aizawl: Ni hnih awh tur – Health & Family Welfare Dept. hnuaia thawk district hrang hranga laboratory technician-te training chu Nilaini atang khan neih a ni.
He hun hmanpuitu NHM Mission Director National Health Mission (NHM) Mission Director Dr. Lily Chhakchhuak chuan Mizoram sorkar/NHM leh Mizoram Health Systems Strengthening Project (MHSSP), 15th Finance Commission leh PM-ABHIM te tangkawpin tun kum hnih chhungin mamawhna hmun hrang hrangah khawl changkang tak tak dah a nih thu a sawi. Heng khawl te hi CHC, PHC leh UPHC ah te dah vek an nih thu sawiin, Laboratory technician ten thiam taka an hman theih chuan mipuiin an tangkaipui hle dawn niin a sawi.
He training-ah hian Haematology Analyser leh Semi-Auto Analyser khawl hman dan inzirtirna – practical-a neih a ni a. Zoram Medical College & Hospital atangin mithiam ten training hi pein, training chhung hian Taxation Dept-a thawktute thisen chi hrang hranga exam a ni ang.
He hunah hian Bhaswat Kumar Das, Senior Consultant, Regional Resource Centre, North East pawhin thu a sawi.