Aizawl: Union Parliamentary Affairs & Minority Minister Kiren Rijiju chuan Dampa bial by-election neih turah hian campaign-a Mizoram tlawh satliah mai a nih loh thu sawiin, Prime Minister Narendra Modi hriatpuina leh thu a tiam angin BJP candidate Lalhmangaiha an thlang tling a nih chuan prime minister malsawmna an dawng dawn tih a sawi.
BJP Mizoramin Dampa bial by-election lo awm tur atan, Reiek Comunity Hall-ah nimin khan campaign an nei a. He hunah thu sawiin union minister chuan Reiek khaw ram mawina hi awmze nei zawka hmang tangkai turin, a khaw mipuiten tih tur an nei a, chu chu BJP candidate thlan hi a ni tih a sawi a. Dampa bial hmasawnna tura pawl hrang hrangin lehkha an thehluhte tihhlawhtlinna tur leh an thil dilte an hmuh theihna turin ngen a duh chu Dampa bial an party candidate an thlang ang a, an duh leh mamawhte chu an tizel dawn tih a tiam tih a sawi.
Inkhawmah hian BJP Mizoram President Dr K Beichhua leh BJP MLA K Hrahmo te pawhin thu an sawi.