Kim Kardashian chuan tun hnai khan a pasal hlui Kanye West nen an chungchang sawiin, an inthenna chu thil thleng palh ni lovin, thlentir ngei ngei ngai zawk a ni, a ti.
Kum 45 mi hian a pasal hlui nena an inkar chu tih tawp ngei ngai, rawn let leh tawh lo tura pil botir vang vang tul a nih thu a sawi a, inchhirna a neih loh thu a sawi a ni.
A inthen chhan pawh a khawsakpui theih tawh ngang loh vang a nih thu sawiin, a fate hmakhua ngai chunga a tih ngei a tul zawk thu a sawi a, a khawsazia zawng zawng leh kan nufa ho chunga a thiltih thin dan kha naupang thang lian mek hmuhtir chi a ni tawh lo a ti bawk.
An inthen hnuah pawh West chuan a fate be tur pawha hun a rawn hman ngai loh thu sawiin, kan lak atangin chiang takin a thlawn hlawl mai a ni, a ti a. Nun mawlmang tak a neih avangin naupang hmuh reng tur entawntlak nun a nei lo a, ka fate thanglian zel tur tan a khawsak dan kha hmuh reng chi a ni lo, a ti bawk a ni.
Inthen tura thutlukna a siam pawh a thil tawn harsa ber zinga mi a nih thu Kardashian chuan a sawi a, mahse amah leh a fate tan leh hmakhua ngaia a tih ngei a tul thu leh chutiang rilru pu chunga inthenna pawh kalpui a nih thu a sawi.
Kardashian leh West te hian fa li – North(12), Saint (9), Chicago(7) leh Psalm(6) te an nei hman a, kum 2014 khan inneiin, kum sarih an inneih hnuah kum 2021 khan an inthen a, an fate hi an nu bulah an awm vek a ni.