Aizawl: Sakawrdaia YMA Inkhawmpui Lian neih chu nizan khan a tiak ta a, nimin khan palaiten kum 2025-2027 chhunga Central YMA hruaitu (office bearer) tur an thlang a, president lo ni tawh, R Lalngheta chu president atan thlan a ni.
Central YMA hruaitu an thlan tharte hi president atan R Lalngheta, Hlimen chuan president ni lai, Lalhmachhuana, Chaltlang Lily Veng chu vote tla zawng zawng 3,061-ah vote 1,818 hmuin a hneh a, vote thi paruk a awm.
Vice president-ah Prof. Lalnuntluanga, New Capital Complex thlan tlin a ni a, vote 2,645 tlaah vote 2,260 hmuin a tling a, vote thi pahnih a awm.
General secretary-ah Prof. Malsawmliana, Vaivakawn chu vote 2,107-ah 1996 hmuin a tling a, vote thi pahnih a awm a. Assistant general secretary ni lai, Fabian Lalfakawma, Chawlhhmun chu SF David Ngursangzuala, Dinthar chuan vote 1,940-ah vote 1,162 hmuin a hneh a. Vote thi pasarih a awm.
Treasurer ni lai, Roneihthanga, Nursery Veng chu Er. H Duhkima, Damveng chuan vote 1,975-ah vote 1,110 hmuhin a khing tla bawk a. Finance Secretary-ah MS Ralte, Upper Republic chuan vote 1,872-ah vote 1,094 hmuin a tling nawn bawk.