Aizawl: Lunglei INTACH chuan Zirtawpni zan khan TH. Lewin (Thangliana) tuchhuan rawn kalte lo dawngsawngin an kawm a, thilpek an lo hlan.
Thangliana tu chhuante hi Anne Taylor, Harriet Taylor (nufa an ni) leh Joe Salf te an ni a. London atanga rawn kal an ni a, Tlabungah Thangliana sulhnu tlawha kal tum an ni.
Anne Taylor hian Mizoram an lo kal chhan, an pu chet tlatna hnu hmate rawn tlawh a, a michengte hmasawnnate rawn thlir duh an nih thu an sawi a. An pu Thangliana’n a ram awpte a ngainatzia leh a hmangaihzia hi a tu chhuante pawh hian an hria a, an tuipui a ni tiin a thlalak chi hrang hrang te an lek chhuak a. Khumi nulate, Sendus Lakher-te, Pawih lalte, Thangluah lalte, a Bangla luah thlalakte leh thlalak dang chi hrang hrang te chu a sawifiah bawk.
Lunglei INTACH Convener Rev. Dr. F. Sangvela chuan ngaihhruina thilpek a pein an inkawm a ni.
Thangliana tute hian Aizawl lamah pawh Lalhruaitluanga Ralte, Thangliana chanchin ziaktu leh Asst. Professor Benjamin leh midangte pawhin an lo kawm tawh bawk.