Sawi ret ret a awm tawh chuan engemaw a lo thleng zui mai thin an tih ang ngeiin, kum 41 mi pop star leh Canada prime minister hluite inkar chu a dik ngei niin a lang chho tan.
Kartawp khan Perry leh Trudeau te hi Paris-a hmun pakhatah vantlang hmaa an inlan hmasa ber ni turin kut inkai riaiin hmuh an ni a, Perry birthday an lawm a ni.
An pahnih hian inhaw lo taka inkaiin, hlim takin an nui dun a, an lutchhuak lai hi mi tam takin an hmu bawk.
Perry leh kum 53 mite hi nipui lai khan an inzui tan niin thuthang a awm tan a, Canada khawpui Montreal-a hmuh tan nia sawi an ni.
Tarlan tawh thin angin Katy hi kumin June thla khan a kawppui Orlando Bloom nen an inthen a, Trudeau pawh hi kum 2023 khan kum 18 an inneih hnuah a nupui Sophie Gregoire nen an inthen ve bawk.