AZL: Madras Christian College, Pachhunga University College leh Madura College tangkawp Department of Botany-te chuan Murlen National Park atangin pangpar chi thar an hmu chhuak.
Pangpar chi thar an hmuhchhuah hi Ophiorrhiza mizoramensis (Rubiaceae) tiin a hming vuah a ni a, Mizoin Lumsuak lian chi khat tia hriat thin a ni.
He pangpar par chi thar an hmuhchhuah hi feet 5 vel laia sang a ni a, Luikawr bul velah a awm tlangpui thin a ni. August-October hun chhung hian a par thin nia sawi a ni.