Aizawl: Meghalaya a cham mek Chief Minister Lalduhoma’n Dawki Land Port, West Jaintia Hills District a mi chu Nilaini khan tlawhin, thawktute nen an inkawm.
Dawki Land Port hi India leh Bangladesh-te insumdawn tawnna hmunpui a nih bakah, ram pahnih mipuite dan ang thlapa an inkalpawhna hmun a ni a. Land Port chhungah hian Integrated Check Post, Cargo Terminal, Warehouse Building, Weighbridge, Passenger Terminal Building, Canteen Facility, Medical Facilty, Forex Counter, Duty Free Shop leh Parking area-te a awm a. Land Ports Authority of India hnuaia din niin, kum 2023 khan hawn a ni.
Chief minister hi Land Ports Authority of India Regional Administrator TC Chacko bakah, ICP Dawki Chief Immigration Officer PS Tombing; Customs Addl Commissioner Lalhmingmawia; Customs Jt. Commissioner Eric C. Lallawmpuia; 4 Bn BSF Second in Command NV Siam bakah SDM Anendya Rajshree ten an lo dawngsawng a ni.