Aizawl: Pachhunga University College (PUC)-a Japanese Language Study Centre din turin PUC leh JACEEX LL Ltd. Guwauhati-in thawhdunna thuthlung, Memorandun of Understanding (MoU) an ziak.
Japanese Language Study Centre din tura thawh dunna thuthlung hi PUC Principal Conference Room-ah Thawhlehni khan an ziak a. Inremnaah hian PUC aiawhin Principal, Prof. H. Lalthanzara’n hming a ziak a, Jaceex aiawhin Jaceex Ventures Director Founder Rajeev Gupta’n hming a ziak thung.
He thawhdunna thuthlung ang hian PUC-ah Japanese Language Study Centre din a ni dawn a, kum thum chhung kalpui phawt tur a ni. Japan tawng zirtir tur hian Jaceex lamin zirtirtu an rawn tir dawn a, PUC-ah zing dar 8:30 atanga dar 9:30 inkarah class lak thin a ni dawn a, nakkum January atangin class hi tan tura ruahman a ni.
Hei bakah hian Japan sorkar pawmpui skill course dangte pawh a tahtawl a hawn belh tura ruahman a ni a. He thawhdunna hian Japan tawng zirna ngawr ngawr bakah Japan-a hnathawhna kawnga PUC zirlaite kaihhruaina pawh a huam a tel a ni.