Aizawl: MZP hruaitute chuan nimin chhun khan Home Minister K. Sapdanga chu a pisaah kawmin Mizoram sorkarin Inner Line Permit (ILP) dan an siam that mekah rawtna an thlen.
MZP chuan ILP dan siamthat turah home minister hnenah thu hlawm paruk – administrative efficiency, traveller access, digitalization, enforcement, penalty leh sponsor mawhphurhna bakah centralised online ILP portal siam a ngaih thu an thlen a. Aizawl leh Sairang inkar rel inthlunzawm thara luhka lianah counter tam zawk, thawktu training tha zawk leh a diltute tan online helpdesk siam a ngaih thu an thlen bawk.
Online application hmanga system hi full digitalization, Aadhaar-linked verification, real-time tracking leh permit dik leh dik loh enfiahna tur mobile app hmanga siam bakah mipuiin dan bawhchhiate an report theihna channel siam tura rawtna te, ILP hmang dik lo leh hum tiam tawp tawh hnua cham hlen hremna tur bakah dan bawhchhia official-te pawhin hremna pawisa chawi dan leh sponsor-tute pawh bituk siamsakin an mawhphurhna tur rawtnaah an tar lang.
Home Minister K Sapdanga chuan ILP dan an siam that tura rawtna hrang hrang MZP hruaituten a an thlen chu tha a tih thu a lo hrilh a. An rawtna chu ngaih pawimawh a nih tur thu sawiin MZP hruaitu tharte chu tha taka thawhhopuiah a sawm a ni.