Aizawl: Chief Minister Lalduhoma chuan a chenna inah nimin khan Guwahati High Court Chief Justice, Justice Ashutosh Kumar a kawm.
Mizoram tlawha lo zin Justice Kumar nena an inkawmnaah chief minister chuan Mizoram a tlawh avangin lawmthu a hrilh a, Mizoram sorkarin judicial infrastructure lama hmasawnna a neihte a hrilh bakah, hmachhawp a neihte pawh sawipuiin Mizoram State Human Rights Commission din chungchanga hmalak mek dante leh thil pawimawh dang eng emaw zat a sawipui.
Justice Kumar hian chief minister chungah lawmthu sawiin, Judiciary lama Mizoram sorkar hmalakna a fak a, a ngaihpawimawh thilte a thlen bawk.
An inkawmna hi Justice Michael Zothankhuma, Guwahati High Court Judge chuan a telpui a ni.