Aizawl: Aizawl Chhinga Veng Jt. NGO Co-ordination Committee-in an veng chhunga dan lova sumdawng dapchhuah beihpui an thlak mekah Inrinni khan dan lo va sumdawng mi pasarih an man chhuak leh.
Chhinga veng Local Council, YMA, MUP leh MHIP inzawmkhawm, Jt. NGO Co-ordination Committee hian, October ni 3 atang khan an veng chhunga dan lo va sumdawng dap chhuah runpui hi an kalpui tan a, Inrinnia beihpui an thlaknaah an veng chhunga dawr nei, dan lova sumdawnna kalpui mi pasarih hmu chhuakin, heng mite hi tun thla, November 15 hmaa inthiarfihlim tur leh an dawr titawp turin an hriattir a ni.
Chhinga Veng Jt. NGO Co-ordination Committee hian October ni 18-a an veng chhunga dan lo va sumdawng an hmuhchhuah, October thla ral hmaa inching fel tura an tih mi pathumten thupek an zawm leh zawm loh an bawhzui nghal a, mi pahnih chuan dawr hi an titawp a, la titawp ve lo pakhat awm chu Jt. NGO Co-ordination Committee leh dawr neitute tala hmangin an kalhsak nghal a ni.