Heavy metal music fans te hi thinchhe tak leh mumal lo taka khawsa thin nia sawi an ni fova, hei hi a dik chiah em tih i han chhui dawn teh ang.
Westminster University-a mithiam Viren Swami chuan mi chi hrang hrangte chu heavy metal hla 10 theuh a ngaihthlak tir hnu-ah an mimal nuna thil lo thleng chu ngun takin a zirchiang ta a.
Heavy metal guitar riff ngan tak, double-bass thum ri vut vut te, drums tlir dut dut te, rythms ri nuai nuai leh tempo rang mangkheng thlengin a kim hle.
Heavy metal tuipuina ah hian inkhuahkhirh leh inrik-rapna awm miah lova, tui taka tuichilh chiah chiah duhna an lo nei vek.
Chutih laia mak tak mai lo langchhuak chu, metal ngaithla tamte zingah mahni hlu tawka inhriatna lamah an lo pachhe hle mai a, a ruk taka insitna an nei lian hle tih a ni. Danglam bik riaua inhriatna an neih san laiin, sakhuana, serh leh sangah an pachhe ngawih ngawih thung.
Ral thlir leh a tak ram a inpersan fo angin, music ngainat leh duhdan chungchangah pawh ngaihdan lo siam nghal zung zung hi innghahna tlak a lo ni hauh lo tih a chiang hle, a tih theih.
Kan rimawi leh hla ngaihthlak duhzawng inan loh leh inpersan vang maia mi pangngai lo leh mi huihphai ang dawn dawna insawi leh inhrilh ang chi phei chu thil chin loh tawp tur a ni ngei bawk ang.
He zirchianna hi Psychology of Aesthetics, Creativity & Arts-ah chipchiar tak tarlan a ni.