Mizo Idol Season 8 hmawr an bawk hnai a, October ni 31 (zirtawpni) zan khan result puan a ni a, Top 3-ah Chamring nula Vanlalneihpuii, Tuikual South tlangval Emmanuel Lalremruata leh Zomuansanga, Dawrpui Vengthar tlangvalte an tling.
Result puan a hun a, boruak zangkhai taka result harsa tak puan an tum niin a hriat theih. Mipuiin an rin lawk ang ngeiin, Emmanuela leh Neihpuii chu tih tlin nghal an ni. Mahse, mipui inrin lawk hmain Dinsanga leh Mamit tlangval, mi tam takin Top 3 tling tura an rin, Thakima chu Mizo Idol atanga paih an ni.
Anni an tlak hnu hian mi pathum khalh fal an ni a, Syvia-i, Mizo Idol season 8-na a controversial ber bakah, aw mawi em em Vuani leh Zomuansanga te khalh fal an ni.
Host in zei takin mipuite leh contestant-te a han chhaih kual a, chumi hnu chuan Mizo Idol season 8-na a inhlangkai tur Zomuansanga a han puang meuh chu, thawm a tha in, tlangval ngawichawi kha a lo ngawichawi lo tawp tih a hriat theih.
Mizo Idol top 3 te hi, thawhlehni zanah vawi hnih an intihsiak bakah, Grand finale-ah vawi 1 an intihsiak leh dawn a, engmah ala chiang lo tih hi thil chiang awmchhun niin a lang.