Zaithiam, hranghlui chan chang chho ve mek Britney Spears chuan a instagram account a titawp a, hei hi tunhnaia a thil post pakhatah a pasal hlui Kevin Federline chungchanga inhnialna awm zui a tel vang a ni.
Pathianni, November ni 2 khan Spears-i IG hi en theih lohin a awm tan a, a titawp zui nia sawi a ni bawk.
Tun hnai khan kum 43 mi hian thu hrang hrang sawichhuah a, post a nei nual a, heng zingah hian a nunhlui hrang hrangte sawiin, a fate pahnih Jayden James,19 leh Sean Preston,20 te chanchin a sawi phei chu a chhe lam zawnga comment a dawn hnem em avangin comment section lam a lo off tawh bawk a ni.
A IG account a tihtawp hnu hian social media platform dangah a tihtawp chhan leh tih nun leh a tum thu engmah a sawizui ta rih lo bawk.